Ալմա Աթայում հարձակում են գործել ADAM bol ամսագրի ընդդիմադիր խմբագիր Գուլջան Եվգալիևայի վրա. տեղեկացնում է Ինտերֆաքսը:
Եվգալիևայի խոսքով` երեկ ուշ երեկոյան երկու անհայտ անձինք սպասելիս են եղել վերջինիս նրա տան շքամուտքի մոտ: Երբ կինը վերելակ է կանչել, հանցագործները նրան են մոտեցել և սկսել հարվածել գլխին, ապա` փախուստի դիմել:
Ամսագրի խմբագրությունում չեն բացառում, որ կատարվածը կապված է Եվգալիևայի մասնագիտական գործունեության հետ: Կինը ոստիկանություն չի դիմել: «Նա չի դիմել ոստիկանություն և չի էլ դիմելու: Մենք գտնում ենք, որ դա ոչ մի արդյունքի չի բերի», – նշել են խմբագրությունում:
Այս պահին դատարանը քննում է երկրի ներքին քաղաքականության վարչության հայցը՝ ADAM bol-ի փակման պահանջով:
.gif)
