ԲԱՐԲԱՐԱ ՍԱՐԱՖՅԱՆ՝ «ՕՍԿԱՐԻ» ՄՐՑԱՆԱԿԱԿԻՐ

Բարբարա  Սարաֆյանի  անունը  դԺվար թե ծանոթ  լինի հայաստանցիներին: Բայց արի ու տես, լավագույն դերասանուհու համար  «Օսկար» մրցանակի արժանացած, «Պատահար Մոսկվայում» ֆիլմում նկարահանված Բարբարա Սարաֆյանը` կիսով չափ հայ է: Բարբարան  «Ժողովուրդ»-ին պատմեց, որ ծնվել է Բելգիայում, սակայն արմատները գալիս են Կարինից, Էզրումից: Մեծ Եղեռնից մազապուրծ պապը, ով այն ժամանակ եղել է 5-6 տարեկան, մի կերպ հասել է Շվեյցիարիա, Անգլիա, իսկ  այնուհետեւ վերջնականապես հաստատվել Բելգիայում եւ զբաղվել  սիգարի բիզնեսով:Ըստ Բարբարայի` ինքը երկու  տարբեր մշակույթների կրող է` մեկը շատ,  մյուսը՝  քիչ: «Ուզում եմ արմատներիս գալ,  հայկական դաստիարակություն չեմ ստացել, հայերի հետ շատ քիչ եմ առնչվել: Մեծ է ցանկությունս` տեսնել Հայաստանը, վստահ եմ մեջս շատ բան կարթնանա, ազատ կշնչեմ, միգուցե   գենս վերապրի, ես մեկ քառորդով եմ հայ, հայրս կիսահայ է, մայրս` ֆրանսուհի»:Տիկին Սարաֆյանը նշեց, որ դպրոցում ավարտաճառը գրել է Հայաստանի մասին, թեպետ Հայաստանում չի եղել:Մեր այն հարցին, թե ինչպես է մուտք գործել կինոաշխարհ, դերասանուհին պատմեց, որ վարել է բազմաթիվ հաղորդումներ հեռուստատեսությունում եւ խաղացել դերեր հեռուստաֆիլմերում, բայց այս երկու ոլորտն էլ« նեղ եղան ինձ համար»: Հայազգի դերասանուհին 2011 թ-ին նկարահանվել է`  «Դեմ Աստղերին», «Տուր»,«Կիկենս» ֆիլմերում:ԼՅՈՒԲԱ ՀԱՐՈՒԹՅՈՒՆՅԱՆ.   Բելգիա