Վիճակախաղի բրիտանացի հաղթողը չի գնացել իր միլիոնների հետևից

Մեծ Բրիտանիայում վիճակախաղի հաղթողը ժամանակին չի ներկայացել իր միլիոնները վերցնելու. տեղեկացնում է The Daily Mirror-ը:

Հաղթող տոմսակը նա գնել էր Լոնդոնի Իլինգ արվարձանում: Հաղթանակ ապահովող վեց թվերի համակցությունը նրան բաժին էր ընկել հունիսին, և տոմսակի տերը վեց ամիս ուներ իրեն հասանելիք 1,045 միլիոն ֆունտ ստեռլինգը ստանալու համար: Ժամկետը լրանում էր դեկտեմբերի 25-ին:

Պարբերականը նշում է, որ այժմ այդ գումարը ծախսվելու է բարեգործական նպատակներով:

Նոյեմբերին մեկական միլիոն շահած երկու հաջողակներ արդեն վերցրել են իրենց գումարները: