Խոյ. Օրվա ընթացքում դուք մի քանի նոր առաջարկներ կստանաք և դժվար կլինի ձեզ ճիշտ կողմնորոշվելը: Ոչ լիովին հասկացվածության հետևանքով բացառված չեն տարաձայնություններ ձեր համախոհների մոտ: Օրը կունենա բարեհաջող ավարտ,գոհ կմնաք օրվա արդյունքներից, եթե ունկընդրեք ձեր ներքին ձայնին:
Պետք չէ գերագնահատել ուժերը և գնալ չարդարացված ռիսկի: Փորձեք հետաքրքրացնել անձնական կյանքը: Այն, ինչ ձեզ համար թվում է սպառված, իրականաում միայն նոր է սկսվելու: Հնարավոր է հարաբերությունների բարդացում որոշ մարդկանց հետ, եղեք լավատես:
Ցուլ. Այսօր դուք ստիպված եք լինելու դավաճանել ձեր սկզբունքներին: Հեռացրեք ձեզանից բացասական լիցքերը: Օրը ժպտում է ձեզ իր բոլոր երանգներով: Այն բարենպաստ է նոր գործարքների և նոր ծանոթությունների համար: Մի վատնեք ժամանակն անտեղի, դատարկ զրույցների վրա:
Աշխատանքի վայրում կունենաք փոքրիկ անախորժություն, որի հարթ ավարտը կապված է ձեր իրազեկված լինելու աստիճանից: Ձեր մեջ կհայտնաբերեք նոր` դեռևս անգամ ձեզ համար անհայտ այնպիսի որակներ, որոնք ձեզ կօգնեն խելամիտ քայլեր անել և իրավիճակից ճիշտ դուրս գալ:
Երկվորյակներ. Այսօր հենց ձեր օրն է, բաց մի թողեք ընձեռնված հնարավորությունը: Սկսեք ծավալել բուռն գործունեություն և հաջողությունը կհետևի ձեզ: Աշխատանքային հարաբերություններում եղեք զգույշ, չանտեսելով շրջապատի կարծիքը: Միանգամայն հավանական է նոր գործի սկիզբ:
Անձնական հարաբերություններում ընդունեք փոխհամաձայնության սկզբունքը և դիմացինին տվեք հնարավորություն արտահայտելու իր միտքը : Աստղերը հուշում են, որ դուք օրվա երկրորդ կեսին կլինեք ցանկալի հյուր և այդտեղ կլինի նա, ում հետ կարող եք կիսել ձեր մտքերը: Հիշեք` ձեր մտերիմները անակնկալ են պատրաստել ձեզ համար:
Խեցգետին. Դուք այսօր հնարավորություն ունեք պարզելու ձեր հարաբերությունները ձեր վաղեմի ընկերոջ հետ: Էլ ինչո՞ւ եք հապաղում, ի՞նչն է ձեզ գցել երկընտրանքի մեջ, Օրը չափազանց հարմար է ձեր գաղափարների և ստեղծագործական մտահղացումների համար: Ձեր ներքին անհանգստությունը ձեզ մատնում է:
Մի ծուլացեք և ձեր անավարտ աշխատանքը հասցրեք ավարտին: Ընտանեկան հարաբերություններում մի չարաշահեք դիմացինի համբերությունը: Զգույշ եղեք գործնական բանակցություններում. դուք այսօր չափից ավելի շատ բան եք ձեզ վրա վերցնում: Օրը խոստանում է հետաքրքիր ավարտ:
Առյուծ. Այսօր բացառապես գործելու եք ինքնուրույն և ձեր մեջ կուտակված էներգիան ուղղելու եք ի նպաստ ձեր առաջընթացի: Օրը հաջող է գնումների համար: Շրջապատեք ձեզ ձեր մտերիմներով, նրանք ունեն ձեր հոգատարության կարիքը:
Դեռ երեկվանից ձեզ մոտ ինչ -որ բան թերի է մնացել,այն կլրացվի, եթե դուք բաց չթողնեք առաջիկա կարևոր հանդիպումը: Խուսափեք անազնիվ մարդկանց հետ շփումներից, նրանք օգտագործում և չարաշահում են ձեր վստահությունը: Կենտրոնացրեք ձեր մտքերը, որովհետև հաճախ սևեռվում եք մանրուքների վրա, բաց թողնելով կարևորը:
Կույս. Ձգտեք թուլացնել ինքներդ ձեզ: Ձեր լարվածությունը բերել է այն վիճակին, որ դուք ոչ մի կերպ չեք գնում փոխզիջման: Օրը հաջող է նոր առաջարկների և գործնական հարաբերությունների համար: Ձերբազատվեք բացասական լիցքերից: Այսօր մեծ տեղ տվեք ձեր նախասիրություններին, եղեք ձեր սիրելիների հետ , նրանք ձեզ կհաղորդեն դրական լիցքեր:
Պահպանեք ընտանեկան անդորրը, դուք կստանաք մտերիմների աջակցությունը ձեր ցանկությունների իրագործման համար: Օրվա երկրորդ կեսին կարևոր տեղեկությունը ձեզ կօգնի հաղթահարելու դիլեման:
Կշեռք. Այսօր ձեզ հեշտ կտրվի այն ամենն, ինչին վաղուց ձգտում էիք, և կխուսափեք ավելորդ բարդություններից: Բանն այն է, որ մարդկանց մասին մտածում եք շատ ավելի լավ, քան նրանք արժանի են և կարող եք ձեր իդեալին տեսնել այնտեղ, որտեղ այն իսպառ բացակայում է: Բարեբախտաբար, ձեզ կհաջողվի խուսափել թեթևամիտ գործողություններից և հիմարություններ չանել:
Մի ծուլացեք. Եթե այսօր կարողանաք կենտրոնանալ ձեր ընթացիկ և կենսական անհրաժեշտություն ներկայացնող աշխատանքի վրա, ապա մոտ ժամանակներում շռայլորեն կպարգևատրվեք արվածի դիմաց:
Կարիճ. Օրվա ընթացքում շփումներն ու ակտիվ հանգիստը ձեզ հաճելի պահեր կպարգևեն և հնարավորություն կտան ամրապնդել ընկերների հետ փոխհարաբերությունները: Տհաճ իրավիճակների մեջ կարող եք ընկնել ձեր մեծամտության կամ ոչ նրբազգացության պատճառով: Խուսափեք մտերիմների հետ վեճերից` այսօր ձեր բարօրությունը մեծապես կախված է հենց ձեզանից:
Բավական է մի փոքր հանգիստ վիճակում հայտնվեք և կլցվեք ուժերով ու դրական ինքնազգացողությամբ: Ճակատագիրը պատրաստ է ձեզ ուրախացնելու, միայն թե դուք նրան ընձեռեք այդ հնարավորությունը:
Աղեղնավոր. Դուք հմայիչ եք և հեշտությամբ եք լեզու գտնում գրեթե բոլորի հետ, սակայն այդքան էլ հեշտ չէ շահել ձեր համակրանքը: Շփումներում խստապահանջությունը անչափ պատեհ է: Մի կողմ թողեք բոլոր հոգսերը, կենտրոնացեք ձեր կիսատ թողած գործերի վրա:
Օրը ձեզ կօգնի ավարտին հասցնել այն: Աստղերը հուշում են` օրը գեղեցիկ է սիրելու և սիրվելու համար: Սակայն ձեր կայացրած որոշումը հնարավոր է ճակատագրական դառնա ձեր ապագայի համար: Մի եղեք կտրուկ, ականջ դրեք ձեր խղճի ձայնին:
Այծեղջյուր. Այսօր ցանկանում եք որքան հնարավոր է շուտ իրականացնել ձեր գաղափարներն ու ստեղծագործական մտահղացումները: Արդյունքում ձեզ կհաջողվի հաղթող դուրս գալ: Նոր ծանոթությունը հեռանկարային կլինի և կնշանավորվի ոչ միայն ռոմանտիկ, այլև` գործնական ուղղվածությամբ:
Դուք շատ ինքնավստահ եք գործում և միևնույն ժամանակ համոզված ձեր յուրաքանչյուր քայլում: Օրվա երկրորդ կեսը նոր անակնկալ կմատուցի ձեզ: Դուք կհայտնվեք մարդաշատ վայրում, որտեղ ոչ միայն ձեզ վրա ուշադրություն կհրավիրեք, այլև կարևոր տեղեկություններ կամ գայթակղիչ առաջարկ կստանաք:
Ջրհոս. Եթե վաղուց էիք ցանկանում սարեր շուռ տալ , ապա այսօր դրա համար ամենահարման պահն է: Դրանով կուտակված էներգիան դուրս կհանեք ձեր միջից, քանի դեռ այն բացասական ուղղություն չի ստացել: Միայն թե հիշեք, որ այսօր դուք միայնակ եք «գորգի վրա» և գործելու եք միայնակ:
Այսօր չափից ավելի եռանդուն եք, շատ սուր եք արձագանքում տեղի ունեցող ցանկացած փոփոխությանը, ձեր էմոցիոնալ ֆոնն իրեն ամեն պահի զգացնել է տալիս: Օրվա ավարտին սպասվում է անսպասելի հանդիպում ռոմանտիկ զարգացումով:
Ձկներ. Օրը բարենպաստ է ֆինանսական դաշտում : Ձեզ սպասվում է հաջողություն, սակայն եղեք զգույշ: Մի չարաշահեք ձեր նկատմամբ տածած վստահությունը: Ընտանեկան հարաբերությունները մի քիչ հակասական են ,գլխակորույս զգացմունքներն ու մերթ ընդ մերթ սառնությունը հաճախ են զգացնել տալիս:
Զբաղվեք սպորտով, մոռացեք հիվանդության մասին: Երեկոն ձգտեք անցկացնել ընկերների և մտերիմների շրջանում: Ձեզ կհաջողվի դառնալ «կամպանիայի հոգին», անվերջ նորանոր բաներ մտածել, ինչը ժամանցին նոր որակներ կտա: Մի թերագնահատեք ձեր կարողությունները:
.gif)
