1324 թվականի հունվարի 8-ին է մահացել իտալացի վաճառական, ճանապարհորդ Մարկո Պոլոն: Հայտնի ճանապարհորդը ծնվել է 1254 թվականի սեպտեմբերի 15-ին, Վենետիկում: Նա ներկայացրել է Ասիայի երկրներում իր ճանապարհորդությունների պատմությունը շուրջ 1300 թվականին իր շարադրած «Աշխարհի բազմազանության մասին» (ֆրանսերեն` Livres des merveilles du monde) գրքում։
Չնայած երկում ներկայացված տեղեկությունների նկատմամբ առկա որոշ անվստահությանը, որը առաջ է եկել դրա լույս ընծայումից քիչ հետո և շարունակվում է առ այսօր, ներկայումս այն մասնագետների մեծամասնության կողմից ճանաչվում է որպես արժեքավոր աղբյուր 13-րդ դարի երկրորդ կեսի Պարսկաստանի, Չինաստանի, Մոնղոլիայի, Ինդոնեզիայի, Հնդկաստանի և այլ երկրների աշխարհագրության, ազգագրության, պատմության ուսումնասիրության համար։
Մարկո Պոլոյի աշխատությունը բացառիկ տեղեկություններ է պարունակում նաև Կիլիկյան Հայաստանի և հայ ժողովրդի վերաբերյալ։ Գիրքը նշանակալի ազդեցություն է ունեցել 14-16-րդ դարերում ծովագնացների, քարտեզագրողների և գրողների վրա։ Մասնավորապես, այն եղել է Քրիստափոր Կոլումբոսի սեղանի գիրքը` նրա Հնդկաստանը որոնելու ճանապարհորդության ընթացքում։
.gif)
