Դոնի Ռոստովի օդանավակայանում սահմանապահները ձերբակալել են քրեական հեղինակություն Ալեքսեյ Գուդինային (Լյոխա Իրկուտսկի), ով փորձել է Հայաստան թռչել կեղծ անձնագրով: Այս մասին հայտնել է ՌԴ Անվտանգության դաշնային ծառայության Ռոստովի մարզի սահմանապահ վարչության մամլո խոսնակ Վասիլի Մալաևը:
Ներկայում վճռվում է պետական սահմանի անօրինական անցման մասին հոդվածով քրեական գործ հարուցելու հարցը: Նշվում է, որ Գուդինան 2004 թվականի փետրվարի վերջին հացադուլ էր հրահրել Պետերբուրգի և Լենինգրադյան մարզերի ուղղիչ հաստատություններում և քննչական մեկուսարաններում: 2001-ին նա բեմականացրել էր սեփական մահը՝ խուսափելու համար քրեական գործով պատժից, և այդ ժամանակվանից ի վեր ապրել է կեղծ փաստաթղթերով:
Հիշեցնենք, որ օրեր առաջ Հայաստանում կայացել է վերջին տարիներին ամենախոշոր հավաքը:
.gif)
