Վթարի են ենթարկվել ՊՆ երկու սպա (ֆոտո)

Այսօր՝ հուլիսի 2-ին ավտովթար է տեղի ունեցել Արարատի մարզում: Ինչպես armlur .am-ին հայտնում է ֆոտոլրագրող Գագիկ Շամշյանը, ժամը 08.00-ի սահմաններում ՀՀ ՊՆ աշխատակից 26-ամյա լեյտենանտ Արտյոմ Մելքոնյանը, վարելով “ՎԱԶ 21010” մակնիշի 14 ՕՕ 501 համարանիշի մեքենան, Երևան-Երասխավան ավտոճանապարհի 29-րդ կմ-ին՝ “Արագիլ” ռեստորանային համալիրի դիմաց դուրս է եկել ճանապարհի երթևեկելի գոտուց և մոտ 40 մ կողաշրջվելով հայտնվել է դաշտում: Վթարի հետևանքով վարորդը և ուղևոր 29-ամյա կապիտան Արսեն Մինասյանը մարմնական վնասվածքներով տեղափոխվել են Արարատի բժշկական կենտրոն: Դեպքի վայրում հավաքվածները ֆոտոլրագրողին պատմել են, որ ըստ նախնական տեղեկությունների վթարի պատճառը եղել է արագությունը և այդ պահին նրանց առջևով անցնող կովը, որին էլ փորձելով շրջանցել՝ նրանք վթարի են ենթարկվել: Ավագ քննիչի հանձնարարականով ավտոմեքենան տեղափոխվելու է ՌՈ Արարատի հատուկ պահպանման տարածք: