Քանի որ իշխանությունները որևէ ռեսուրս չունեն դիմադրելու ոչ իշխանականների գործողություններին, Երանոսյաններին մեջտեղ գցեցին, տարբեր «մուտիլյովկաներ» արեցին. նրանք տարբեր կայքերով փորձում են պառակտում առաջացնել համաժողովրդական շարժման լիդերների միջև:
Armlur.am-ի հետ զրույցում նման կարծիք հայտնեց «Ազգային համաձայնություն» կուսակցության առաջնորդ Արամ Հարությունյանը` անդրադառնալով լրատվամիջոցներով շրջանառվող այն տեղեկությանը՝ համաձայն որի ՀԱԿ առաջնորդ Լևոն Տեր-Պետրոսյանը չի մասնակցի հունվարի 20-ին կայանալիք համաժողովին, քանի որ նպատակահարմար չի գտնում Տիգրան Կարապետյանի, Գառնիկ Իսագուլյանի, Արամ Հարությունյանի հետ նույն հարթակից հանդես գալ:
«Իշխանությունների մատը խառն է այս հարցում, ՀԱԿ մամուլի խոսնակը հանդես է եկել հայտարարությամբ և հերքել այդ տեղեկությունը»,- նշեց Արամ Հարությունյանը:
Վերջինս ասաց նաև, որ հունվարի 20-ի համաժողովից իր ակնկալիքները բավականին մեծ են և ինքն անպայման մասնակցելու է համաժողովին:
.gif)
