Վիկտոր Յանուկովիչի առանձնատան նոր սեփականատերը հայ է (ֆոտո)

Ուկրաինայի նախկին նախագահ Վիկտոր Յանուկովիչի տունն անցած աշնանը վերաձևակերպվել է նոր սեփականատիրոջ անունով:

Առանձնատան նոր սեփականատարն է Արթուր Խաչատուրի Ռոստոմյանը, գրում է unian.net-ը: Ըստ ուկրաինական կայքի` այս մասին են վկայում անշարժ գույքի իրավունքների պետական ռեեստրից ստացված տվյալները:

Առքուվաճառքի պայմանագիրը կնքվել է 2014 թ հոկտեմբերի 2-ին ու վավերացվել է նոտար Ալյոնա Պետրիցկայայի կողմից: Համաձայն անցած ձմռանը «Մեժիգորյեում» հայտանաբերված փաստաթղթերի` նա որպես նոտար սպասարկել է Մեժիգորյեի խմբի ընկերություններին:

«Наші Гроші»-ի տվյալների համաձայն` Արթուր Ռոստոմյանը կապված է Ուկրաինայի նախկին նախագահի որսորդական շրջապատի հետ: Վերջինս նաև հանդիսանում է «Յարիկ» որսորդական ակումբի համահիմնադիրը: