![](https://armlur.am/wp-content/uploads/2012/07/04//29063.jpg)
Պաշտոնական այցով Հայաստանում գտնվող Եվրոպական խորհրդի նախագահ Հերման վան Ռոմպույը ՀՀ արտաքին գործերի նախարար Էդվարդ Նալբանդյանի ուղեկցությամբ այսօր այցելեց Հայոց ցեղասպանության զոհերի հիշատակը հավերժացնող Ծիծեռնակաբերդի հուշահամալիր: Նա ծաղկեպսակ է դրել հուշակոթողին և մեկ րոպե լռությամբ հարգել Ցեղասպանության նահատակների հիշատակը: Ռոմպույն այցելեց ՀՀ ԳԱ ակադեմիայի Հայոց ցեղասպանության թանգարան-ինստիտուտ, ծանոթացավ 20-րդ դարասկզբին մարդկության դեմ իրագործված մեծագույն ոճիրը փաստող ցուցանմուշներին: Եվրոպական խորհրդի նախագահը և Ցեղասպանության թանգարան-ինստիտուտի տնօրենը փոխանակվեցին նվերներով: