Գևորգ Կոստանյանը վաղը Գյումրիում կլինի

Քիչ առաջ Հայաստանի նախագահի նստավայրում խորհրդակցություն է տեղի ունեցել` երկրի գլխավոր դատախազ Գևորգ Կոստանյանի մասնակցությամբ:

Խորհրդակցության ընթացքում քննարկվել է հունվարի 12-ին Գյումրիում տեղի ունեցած ոճրագործության մեջ մեղադրվող ռուսական ռազմաբազայի ժամկետային զինծառայող Վալերի Պերմյակովի հարցը:

Armlur.am-ը կապ հաստատեց Գ. Կոստանյանի խորհրդական Քրիստինե Մելքոնյանի հետ` իմանալու համար` ինչ որոշումներ են կայացվել խորհրդակցության ընթացքում: Մեր զրուցակիցը հայտնեց, որ գլխավոր դատախազը վաղը՝ առավոտյան ժամը 10:00-ին, կմեկնի Գյումրի:

Նշենք, որ րոպեներ առաջ Շիրակի մարզի գլխավոր դատախազ Րաֆֆի Ասլանյանը հայտարարել է, որ վաղը կպարզաբանի` ինչու է մեղադրյալը հանձնվել ՌԴ-ին: