Այսօր առավոտվա տվյալներով` Գյումրու ոճրագործությունից տուժած վեց ամսական Սերյոժա Ավետիսյանի առողջական վիճակում դրական աննշան փոփոխություններ կան: Այս մասին այսօր կառավարության նիստի ժամանակ նշեց ՀՀ առողջապահության նախարար Արմեն Մուրադյանը:
«Ներկայումս երեխան գտնվում է Աստվածամայր բժշկական կենտրոնում, վերակենդանացման բաժնում, վիճակը գնահատվում է կայուն ծանր: Ուշադրության կենտրոնում է ուղեղի հյուսվածքի կլինիկական պատկերը՝ հաշվի առնելով, որ երկարատև շոկ է տարել», – նշեց նախարարը:
Արմեն Մուրադյանը դրական համարեց այն հանգամանքը, որ երեխային արդեն զոնդով կերակրում են: Նա նշեց, որ առաջիկա օրերին երեխան դեռևս արհեստական շնչառական ապարատներով է շնչելու:
.gif)
