Ուկրաինայում այլազգիների նկատմամբ ռասսայական խտրականության նոր դեպքեր են գրանցվել, այն էլ պատգամավորի կողմից: Ուկրաինայի 3-րդ ու 4-րդ գումարման պատգամավոր Վիկտոր Գորբաչյովը, ով հանդիսանում է Նիկոլաևում գտնվող «Սոտկա» բարի սեփանակատերը, իր հաստատությունում այսպես ասած «ռասսայական face-control» է սահմանել: Մասնավորապես, վերոնշյալ բարում սպասարկում են միայն ռուսների ու ուկրաինացիների, իսկ հաստատություն այցելած հայերին ու ադրբեջանցիներին մատուցողները հրաժարվում են սպասարկել:
«Преступности.НЕТ» կայքը հայտնում է, որ նման վերաբերմունքի են արժանացել Նիկոլաևի բնակիչ հանդիսացող հայազգի Հարություն Ռուշանյանը, ինչպես նաև ադրբեջանցի Խայյամ Խագիգատօղլուն:
Հրապարակվել է տեսանյութ, որում մատուցողուհին հրաժարվում է սպասարկել բար ժամանած ադրբեջանցուն ու նրա ընկերներին:
«Մեզ մոտ «face-control» է, կներեք, բայց ես ձեզ չեմ սպասարկի: Դե չգիտեմ, մեզ մոտ չի կարելի սպասարկել որոշակի ազգությունների ներկայացուցիչների: Անգամ մեր մենյուում է գրված, որ չենք սպասարկում: Միայն ռուսներ ու ուկրաինացիներ»,- ասել է մատուցողուհին՝ հրաժարվելով սպասարկել Հայամին ու նրա ընկերներին «Սոտկա» բարում:
.gif)
