Բյուրեղավանում հաղթել է գործող քաղաքապետը

Կոտայքի մարզի Բյուրեղավան քաղաքային համայնքում հուլիսի 8-ին կայացած համայնքի ղեկավարի ընտրություններում նախնական տվյալներով հաղթել է գործող քաղաքապետ, “Բարգավաճ Հայաստան” կուսակցության անդամ Հակոբ Բալասյանը: Ըստ Կենտրոնական ընտրական հանձնաժողովի հրապարակած նախնական արդյունքների, Հ. Բալասյանի օգտին քվեարկել է 2 096 ընտրող: Մյուս թեկնածուները` Աբովյանի քաղաքապետի օգնական, ԲՀԿ-ական Էդիկ Պողոսյանը և անկուսակցական Գարեգին Սարգսյանը համապատասխանաբար ստացել են 432 և 1 601 քվեներ:

7 891 ընտրողների ընդհանուր թվից քվեարկությանը մասնակցել են 4 240-ը:

93 քվեաթերթիկ անվավեր է ճանաչվել: Անճշտությունների գումարային չափը 22 է:

Նշենք, որ համայնքի ղեկավարը ընտրվում է 4 տարի ժամկետով: