Հրապարակ. Նախագահականից Հովիկ Աբրահամյանին ասել էին` ստոպ

Ուրբաթ օրը Աժ նախագահ Հովիկ Աբրահամյանն ընթացք էր տվել իրեն դիմած ԲՀԿ, ՀՅԴ, ՀԱԿ, “Ժառանգություն” խմբակցությունների նամակին, որով պահանջվում էր հանդիպում կազմակերպել “Հարսնաքարի” գործը վարող իրավապահների հետ: Աժ նախագահը, ըստ թերթի տեղեկությունների, նամակով տեղյակ էր պահել գլխավոր դատախազին` ընդդիմադիրների պահանջի մասին, փորձելով կազմակերպել այդ հանդիպումը, որտեղ գլխավոր դատախազը հանդես կգար հաղորդմամբ: Սակայն նախագահականից ասել էին` ստոպ, ,նման հանդիպում կազմակերպելու իրավական հիմք չկաե: Բանն այն է, որ 2000թ. ապրիլի 25-ին Ռոբերտ Քոչարյանը հրաման է ստորագրել, որով արգելվում է, որ նախաքննական փուլում գտնվող որևէ գործի առնչությամբ գլխավոր դատախազը, նրա տեղակալները հանդես գան հաղորդմամբ: Այդ որոշումը բխում էր Հոկտեմբերի 27-ից, մասնավորապես Գագիկ Ջհանգիրյանի` Աժ-ում սպասվող հաղորդման փաստից: Այդ իսկ պատճառով շատերի մոտ տարակուսանք է առաջացրել այն, որ եթե Հովիկ Աբրահամյանը կարող էր դա մոռացած լինել, ապա ընդդիմադիր, ժամանակին 27-ի գործը վարած Ջհանգիրյանը, ինչպես նաև Վարդան Օսկանյանն ինչպե՞ս կարող էին չհիշել այդ հրամանը