Այսօր բոլորը իրենց պարտքը կհամարեն հայկական բանակի մասին ինչ որ բան գրելը։ Նույնիսկ դասալիքները չեն զլանա կամուֆլյաժով լուսանկարներ տարածել ու հերոսի կերպարով խրատներ տալ։ Բայց Հայոց բանակն ավելին է, քան ուժային կառույցը։ Գոնե ինձ համար, որ դպրոցական տարիներս անցել են ռմբակոծությունների ուղեկցությամբ, տանկերի աղմուկի մեջ… ես զգացել եմ բանակի ուժը իմ մարդկային կերպարի ձևավորման գործում։ Հպարտ եմ, որ բախտ եմ ունեցել հաղթանակած մեր բանակի հիմնադիրներից շատերին անձամբ ճանաչելու…
Շնորհավոր ծնունդդ, հայկական բանակ ու բանակը մարտունակ պահող հայ զինվոր: Շնորհավոր հայկական բանակի հիմնասյուն ազատամարտիկներ, որ հեռու եք իշխանությունից, մոռացվել եք ու նույնիսկ մեդալի չեն արժանացնում ձեզ։ Կփոխվեն ժամանակները, կվերաարժևորվի շատ բան, և այսօրվա դասալիքներն այլևս չեն կարողանա հերոսներին ստվերելով կոչումների ու պարգևների արժանանալ։ Պատմական այս փուլն էլ մի փորձություն է… կհաղթահարենք միասին… Չէ՞ որ 21-րդ դարը մերն է լինելու…
«Ժողովուրդ» օրաթերթի գլխավոր խմբագիր Թագուհի Թովմասյան
.gif)
