ՀԱՐՑ. Ի՞նչ մաքսային արտոնություններ կան ամբողջությամբ էլեկտրական շարժիչով աշխատող ավտոմեքենաների ներկրման ժամանակ: Այլ երկրներում այդ ավտոմեքենաների արժեքի 20 տոկոսը վճարում է պետությունը: Մեր երկրում նմանատիպ մեքենաների սեփականատերերի նկատմամբ արդյոք կան որոշակի արտոնություններ:
ՊԱՏԱՍԽԱՆ. Հովսեփ Կուբատյանի գրությամբ բարձրացված հարցի վերաբերյալ հայտնում եմ, որ էլեկտրական շարժիչներով ավտոմեքենաների ներմուծման համար օրենքով մաքսային վճարներից ազատման, այդ թվում մասնակի վճարման արտոնություն սահմանված չէ:
«ԺՈՂՈՎՈՒՐԴ». Թերեւս անհայտ է` նման մեքենաներ Հայաստանում կան, թե ոչ: Այսուհանդերձ, հանուն էկոլոգիական մաքրության` արժեր հատուկ արտոնություններ սահմանել նման մեքենատերերի համար: Ավելին, արժե օդի մաքրությունը պահպանելու շահախնդրությունից ելնելով` մեքենայի համար վճարվող ամենամյա գումարները զգալիորեն զեղչել:
Էկոլոգիական խնդիրները տարեցտարի ավելի ու ավելի հրատապ են դառնում: Այս առումով կոնկրետ մեր երկրում ամիս առ ամիս աճող մեքենաների թիվը զգալիորեն նպաստում է օդի աղտոտվածության աճին: Էկոլոգիապես մաքուր մեքենաների թվական աճը, անշուշտ, կնպաստի վառելիքի ծախսի կրճատմանը, հետեւաբար` մթնոլորտի մաքրությանը:
.gif)
