Ինչպես արդեն Armlur.am-ն հայտնել էր, մի շարք բարձրաստիճան պաշտոնյաներ Հայոց բանակի կազմավորման 23-րդ ամյակի կապակցությամբ այսօր այցելել են Եռաբլուր: Ի թիվս այլ բարձրաստիճան պաշտոնյաների Եռաբլուրում է գտնվում նաև ԱԺ ՀՀԿ խմբակցության պատգամավոր Սամվել Ալեքսանյանը: Ս. Ալեքսանյանը լրագրողների հետ զրույցում բանակին առաջին հերթին ուժ մաղթեց: Նա նշեց, թե ծառայել է բանակում: Այն հարցին, թե ինչ հետաքրքիր դրվագ կհիշի բանակային կյանքից, Ս. Ալեքսանյանը պատասխանեց. «Լիքը բան կհիշեմ»: Իսկ այն հարցին, թե անհրաժեշտության դեպքում պատրաստ է գնալ առաջին գիծ, նա հայտարարեց. «Ինչի՞ պետքա չգնամ»:
Կարճատև զրույցի ողջ ընթացքում մի կին ուղեկցում էր Սամվել Ալեքսանյանին՝ նրանից ֆինանսական օգնություն խնդրելով: Սրան ի պատասխան՝ պատգամավորը հորդորում էր այդ կնոջը տեսախցիկների առաջ զուսպ լինել: «Ի՞նչ անեմ, պարոն Ալեքսանյան»,-հարցին տրվեց պատասխան. «Վաղը կգաս մեր հայաթ, կողքից հազար մարդ ա նայում էլի, կգաս»:
Մանրասները՝ Armlur.am-ի տեսանյութում
.gif)
