«Ժողովուրդ» օրաթերթը գրում է. «Վերջին օրերին համառ լուրեր են շրջանառվում այն մասին, որ ՀՀ գլխավոր դատախազ Գեւորգ Կոստանյանի հայրը՝ Շենգավիթ վարչական շրջանի ընդհանուր իրավասության առաջին ատյանի դատարանի նախկին նախագահ Սուրիկ Կոստանյանը, նշանակվելու է Օդեսայում Հայաստանի հյուպատոս: Ինչպես հայտնի է՝ Կոստանյանը օրերս ազատվեց դատարանի նախագահի պաշտոնից:
Պաշտոնապես նրա լիազորությունները դադարեցվել են սեփական դիմումի համաձայն, քանի որ ձեռք է բերել դատավորի պաշտոնի հետ անհամատեղելի հիվանդություն: Ուշագրավ է, որ մարդը հիվանդության պատճառով չի կարող դատավոր աշխատել, բայց նրան պատրաստվում են հյուպատոս նշանակել:
Նման բան թերեւս միայն Հայաստանում կարող է լինել. դեսպանի, հյուպատոսի եւ խորհրդականի պաշտոնները մեզանում վերածվել են «խաթրից դուրս չգալու» հրամանագրերի»:
Մանրամասները` օրաթերթի այսօրվա համարում:
.gif)
