Տավուշի մարզում, հուլիսի 21-ին, ժամը 13.10-ին, Բերդ քաղաքում տեղակայված զորամասերից մեկի հոսպիտալից ոստիկանության Տավուշի բաժնում հաղորդում է ստացվել, որ բեկորային վնասվածքով իրենց մոտ բուժօգնության է տեղափոխվել Ներքին Կարմիրաղբյուր գյուղի բնակիչ, 25-ամյա Գոռ Փ.-ն:
Ոստիկանության մամուլի ծառայությունից հայտնում են, որ պարզվել է, որ նա վնասվածքն ստացել է նույն օրը, ժամը 12.00-ի սահմաններում, նշված գյուղի “Զաղի ճամփի տակ” կոչվող տարածքում գյուղատնտեսական աշխատանքներ կատարելիս՝ Ադրբեջանի հենակետից արձակված կրակոցից: Նշանակվել է դատաբժշկական փորձաքննություն: Կատարվում է քննություն:
.gif)
