ԱԺ ԲՀԿ խմբակցության պատգամավոր Մարտուն Գրիգորյանը 24 տարեկան հասակում արդեն մտածել է Հայաստանի օրենսդիր դաշտում աշխատելու մասին: Իսկ արդեն 26 տարեկանում նա իր թեկնածությունն է առաջադրել խորհրդարանական ընտրությունների ժամանակ:
Ըստ պատգամավորի՝ իր ընտանիքը սոցիալապես ապահովված է եղել, սակայն 16 տարեկան հասակում նա արդեն ցանկություն է հայտնել աշխատել: Եվ չնայած պատգամավորի հայրը կտրականապես դեմ է եղել այդ որոշմանը, հորեղբոր աջակցությամբ նա կարողացել է ընդունվել աշխատանքի. բենզինի մանրածախ առևտրով է զբաղվել:
1988 թվականի դեկտեմբերի 7-ը Մարտուն Գրիգորյանը շատ լավ է հիշում. երկրաշարժի օրը պատգամավորը տանն է եղել: Ըստ նրա՝ երկրաշարժը դարձավ այն ամենի հետևանքը, ինչի պատճառով իր հասակակիցները չկարողացան նորմալ կրթություն ստանալ:
Armlur.am-ը Մարտուն Գրիգորյանի հետ զրուցել է վրաններում կրթություն ստանալու, համալսարանական կրթության, իր առաջին աշխատանքի, «Դաշինք» կուսակցության ղեկավար Սամվել Բաբայանի հետ նրա փոխհարաբերությունների, ԲՀԿ-ին անդամակցելու, հունվարի 12-ին Գյումրիում սպանված Ավետիսյանների ընտանիքի հետ կապված բողոքի ակցիայի ժամանակ կիզակետում հայտնվելու, Գյումրիի նախկին քաղաքապետ Վարդան Ղուկասյանի հետ իր փոխհարաբերությունների, Գյումրիում առկա կրիմինալի և իրեն հանրապետության երկրորդ քաղաքի ղեկավարի պաշտոնում տեսնելու մասին:
Սոնա Գրիգորյան, Տիգրան Սարգսյան
.gif)
