ՀՀ Ազգային Ժողովի «Բարգավաճ Հայաստան», «Ժառանգություն», «Հայ Ազգային Կոնգրես» եւ «Օրինաց Երկիր» խմբակցությունները հանդես են եկել հայտարարությամբ.
«2015թ. փետրվարի 2-5-ի ՀՀ Ազգային ժողովի չորսօրյա նիստերի օրակարգում ընդգրկվել է ՀՀ Վերահսկիչ պալատի 2013թ-ի տարեկան հաշվետվությունը: Ազգային ժողովի փետրվարի 4-ի լիագումար նիստում ՀՀ Վերահսկիչ պալատի հաշվետվությունը ներկայացրել է պալատի խորհրդի անդամը, ինչը «Ազգային ժողովի կանոնակարգ» ՀՀ օրենքի 101-րդ և «Վերահսկիչ պալատի մասին» ՀՀ օրենքի 9-րդ հոդվածների կոպիտ խախտում է:
Հիմք ընդունելով օրենքի խախտման փաստը, ՀՀ Ազգային Ժողովի Բարգավաճ Հայաստան, Ժառանգություն, Հայ Ազգային Կոնգրես եւ Օրինաց Երկիր խմբակցությունները հրաժարվել են հարցի բովանդակային քննարկմանը մասնակցելուց և հայտարարում են, որ Վերահսկիչ պալատի հաշվետվությունը չի կարող համարվել ներկայացված եւ քննարկված:
Ելնելով վերոգրյալից, պահանջում ենք՝
Վերահսկիչ պալատի 2013թ. տարեկան հաշվետվությունը օրենքով սահմանված կարգով քննարկել Ազգային Ժողովի առաջիկա նիստում:
ԲԱՐԳԱՎԱՃ ՀԱՅԱՍՏԱՆ ԽՄԲԱԿՑՈՒԹՅՈՒՆ
ԺԱՌԱՆԳՈՒԹՅՈՒՆ ԽՄԲԱԿՑՈՒԹՅՈՒՆ
ՀԱՅ ԱԶԳԱՅԻՆ ԿՈՆԳՐԵՍ ԽՄԲԱԿՑՈՒԹՅՈՒՆ
ՕՐԻՆԱՑ ԵՐԿԻՐ ԽՄԲԱԿՑՈՒԹՅՈՒՆ
Հայտարարության պահանջին է միացել նաեւ ԱԺ ՀՅԴ խմբակցությունը»:
.gif)
