Գերմանիայի կանցլեր Անգելա Մերկելը համոզված չէ, որ Ռուսաստանի նախագահի հետ հանդիպումը, որը նրանք երեկ են անցկացրել Ֆրանսիայի առաջնորդ Ֆրանսուա Օլանդի հետ, կտանեն հաջողության:
«Ըստ իս ու Ֆրանսիայի նախագահի՝ արժեր փորձել: Դա ամենաքիչը Ուկրաինայի հակամարտության մեջ ներքաշված մարդկանց հանդեպ մեր պարտքն է»,- ասել է նա՝ ելույթ ունենալով Մյունխենում անվտանգության հարցերով կոնֆերանսում:
Մյունխենում կոնֆերանսին ներկա է եղել նաև ՌԴ ԱԳՆ ղեկավար Սերգեյ Լավրովը:
Գերմանիայի կանցլերը նաև ընդգծել է, որ ցանկանում է, որպեսզի Եվրոպայում անվտանգությունը հաստատվի Ռուսաստանի հետ միասին, այլ ոչ թե ընդդեմ Ռուսաստանի:
Իր հերթին Ֆրանսիայի ղեկավար Ֆրանսուա Օլանդը հայտարարել է, որ Մոսկվայում բանակցությունները վերջին հնարավորություններից մեկն էր՝ Ուկրաինայի արևելքում պատերազմին վերջ դնելու համար:
«Կարծում եմ, որ դա մեր վերջին հնարավորություններից մեկն էր, ահա թե ինչու մենք նման նախաձեռնությամբ հանդես եկանք»,- ասլ է Օլանդը լրագրողներին:
«Եթե մենք չկարողանանք հասնել ոչ թե պարզապես փոխզիջման, այլ երկարատև խաղաղության համաձայնագրի, ապա մենք բոլորս լավ գիտենք, թե ինչ է մեզ սպասվում: Այն անուն ունի, և այն կոչվում է պատերազմ»:
.gif)
