Ղազախստանի նախագահ Նուրսուլթան Նազարբաևը հանձնարարել է Ազգային բանկին արագացնել տնտեսության ապադոլարացմանն ուղղված աշխատանքները:
«Հանձնարարում եմ Ազգային բանկին քայլեր ձեռնարկել ակտիվացնելու տնտեսության ապադոլարացմանն ուղղված աշխատանքը: Ես արդեն դիմել եմ Շուկեևին, մեր ազգային ընկերություններին, ներդրողներին, ովքեր հենց այնպես փողերը դոլարով են պահում: Անհրաժեշտ է տենգե դարձնել»,- հայտարարել է նա այսօր կայացած կառավարության նիստի ժամանակ:
13 ամսվա ընթացքում տենգեն էժանացել է ԱՄՆ դոլարի նկատմամբ մոտ 20%-ով:
Ղազախստանի կառավարությունը և Ազգային բանկը Մաքսային միությունում Ղազախստանի գործընկեր երկրների արժութային շուկաներում անկայունության ֆոնին 2014 թվականի դեկտեմբերի վերջին մի շարք միջոցների մասին են հայտնել, որոնք կընդունվեն տնտեսությունում ազգային արժույթի դերի բարձրացման նպատակով:
.gif)
