Զինադադարը, որի մասին հինգշաբթի օրը պայմանավորվել են Մինսկում, կարող է ավարտվել չսկսված, քանի որ անջատողականները շարունակում են գնդակոծությունները. զգուշացրել է Պյոտր Պորոշենկոն:
Վերջինս լարվածության համար պատասխանատվությունը դրել է Ռուսաստանի վրա:
16-ժամյա բանակցային գործընթացի արդյունքում՝ փետրվարի 12-ին ձեռքբերված պայմանագրի համաձայն՝ զինադադարն ուժի մեջ կմտնի փետրվարի 15-ից ժամը 00-ից:
Հակամարտության գոտում աշխատող լրագրողների խոսքերով՝ ռազմական գործողությունների թուլացման ոչ մի նշան չկա:
Նման տվյալներ են ներկայացրել նաև ԵԱՀԿ դիտորդները:
«Մենք համոզված ենք, որ Մինսկի համաձայնագիրը հաստատուն խաղաղության համար միակ ճանապարհն է»,- հայտարարել է առաքելության մամուլի քարտուղար Մայքլ Բոսյուրկիվը:
Նշենք, որ ավելի քան 10 խաղաղ բնակիչ է զոհվել ուրբաթ օրը Ուկրաինայի արևելքում հրետանակոծության արդյունքում, որի մեջ կողմերը միմյանց են մեղադրում:
.gif)
