Բոլորն են տեղյակ, որ ԲՀԿ առաջնորդ Գագիկ Ծառուկյանը երբեք ցանկություն չի ունեցել մեծ քաղաքականություն մտնել. նրա նպատակը բիզնեսն էր, սակայն կային ուժեր, որոնք նրան թույլ չտվեցին: Armlur.am-ի հետ զրույցում նման տեսակետ հայտնեց Ազգային ժողովի ՀՀԿ խմբակցության ղեկավար Վահրամ Բաղդասարյանը:
Խմբակցության ղեկավարի խոսքով՝ Գ. Ծառուկյանի մոտ կան դրական հատկանիշներ, սակայն ինքնուրույն չի կարողանում որոշումներ կայացնել: «Ցավում եմ, որ նման մարդը կարող է գործիք դառնալ ու ինքն էլ չգիտակցել` ուր է գնում: Մի պահ կար, որ մտածում էինք, թե ինքը կարող է սթափվել և քայլեր կատարել: Բայց հենց ցանկանում էր քայլեր կատարել, ընկնում էր վատ շրջապատ, և այդ պարագայում խնդիրը լրջանում էր», – ընդծեց նա:
Վ. Բաղդասարյանը վատ շրջապատում առկա մարդկանց կոնկրետ անուններ այդպես էլ չնշեց: Նա ընդգծեց, որ ԲՀԿ-ում բավականին լուրջ քաղաքական գործիչներ կան: «Ես զարմանում եմ, կարո՞ղ է՝ այդ գործիչներն էլ են ցանկանում առիթից օգտվեն, որ հետո ճանապարհեն Ծառուկյանին, և իրենց համար տեղ բացվի»:
Մանրամասները` Armlur.am-ի տեսանյութում
.gif)
