Չելյաբինսկի բնակիչները փետրվարի 17-ի առավոտյան ռեկորդային երևույթի վկա են դարձել: Քաղաքի երկնքում միանգամից 3 արև է հայտնվել. գրում է REGNUM-ը:
Ինչպես սոցկայքերում գրում են քաղաքաբնակները, անսովոր երևույթը կարելի էր նկատել տեղի ժամանակով ժամը 10:00-ից: Բացի այդ, ականատեսների խոսքերով, երկնքում ծիածան է եղել:
Իսկ իրականում միայն մեկ արև է եղել: Սակայն ինչպես նշում են մասնագետները, դրա ճառագայթները բեկվել են ամպերի սառցե բյուրեղներում, ինչի արդյունքում 3 արևի խաբկանք է ստեղծվում: Հենց դա էլ դարձել է անսովոր երևույթի պատճառ:
Հավելենք, որ նման դեպք էր արձանագրվել նաև 2014 թ. հունվար 24-ին:
.gif)
