Ռուբեն Գևորգյանի հյուրանոցից մարմնավաճառնե՞ր են բերման ենթարկվել

Ինչպես Armlur.am-ը հայտնել էր, երեկ  իրավապահները այցելել էին ԱԺ ԲՀԿ պատգամավոր Ռուբեն Գևորգյանի ընտանիքին պատկանող հյուրանոցային համալիր: Նրանք հարցաքննել էին  հյուրանոցի այցելուներին, և հայտարարել, թե տեղզննություն են անցկացնում:

Ոստիկանության տարածած հաղորդագրությունից Armlur.am-ը տեղեկանում է, որ փետրվարի 16-ին՝ ժամը 23.40-ին, ոստիկանության Երևան քաղաքի վարչության ՊՊԾ գնդի 3-րդ հատուկ գումարտակի և Մաշտոցի բաժնի ծառայողները Դավիթաշենի 4-րդ թաղամասում գտնվող հյուրանոցային համալիրի տարբեր սենյակներից բաժին են հրավիրել հյուրանոցային համալիր պոռնկությամբ զբաղվելու համար այցելած մարմնավաճառներ` 1983 թ. ծնված Մարինե Ս.-ին, 1974 թ. ծնված Նաիրա Հ.-ին, 1978 թ. ծնված Հայկուհի Մ.-ին և 1983 թ. ծնված Սիրանուշ Վ.-ին:

Պարզվել է նաև, որ նշված սենյակներում հեռուստացույցով հեռարձակվում են պոռնոգրական նյութեր պարունակող ֆիլմեր: Կատարվում է հետաքննություն:

Նշենք, որ մամուլում տարածված տեղեկությունների համաձայն՝ վերոնշյալ հյուրանոցային համալիրը պատկանում է Ռուբեն Գևորգյանի ընտանիքին: