Այս պահին Կառավարության շենքի առջև են հավաքվել «Նաիրիտ» գործարանի նախկին աշխատակիցները և, ինչպես միշտ, պահանջում են իրենց աշխատավարձերը:
Armlur.am-ի հետ զրույցում նախկին աշխատակիցներից մեկը հայտնեց, որ Կառավարությունից նրանց նամակ է ուղարկվել, որում կցկտուր նշված է եղել, որ 6 ամսվա ընթացքում աշխատավարձերը տալու նախնական խոստումները չեն իրականանա:
«Անորոշ բաներ էր գրված նամակում: Եկել ենք այստեղ, որ չիմանան, թե հանձնվելու ենք կամ էլ մոռացել ենք, որ պիտի մեզ տան մեր փողերը: Շարունակելու ենք պայքարել և պահանջելու ենք մեզ հասանելիք գումարները: Նրանց տված նամակը մեզ չի գոհացնում, և դրանով մենք չենք բավարարվում»,- շարունակեց բողոքող քաղաքացին:
Մեզ հայտնի դարձավ, որ նրանք այս պահին Կառավարության աշխատակիցներից որևէ մեկի հետ հանդիպում չեն պահանջում. հավաքի նպատակը հիշեցնելն է, որ իրենք չեն մոռացել տեղի ունեցածը:
Նշենք, որ գործազուրկ մնացած մեկ այլ աշխատակից վստահեցրեց, թե երեկ Կառավարության նամակների բաժնի պատասխանատու Ալեքսանդր Ղազարյանն ասել է. «…Շեֆը փախել է: Հույսներդ կտրե՛ք գումարներից»:
.gif)
