Կվերակառուցվի Ագարակ – Քաջարան ճանապարհահատվածը

ՀՀ տրանսպորտի և կապի նախարար Գագիկ Բեգլարյանը փետրվարի 26-ին ընդունեց Եվրասիական զարգացման բանկի երևանյան ներկայացուցչության տնօրեն Սերգեյ Իգնատովին, բանկի ներկայացուցիչներին և Հակաճգնաժամային հիմնադրամի նախագծային թիմի ղեկավար Ալեքսեյ Չերեկաևին:

Հանդիպման ընթացքում կողմերը քննարկեցին «Հայաստանի Հանրապետության և Եվրասիական զարգացման բանկի միջև «Հյուսիս-հարավ ավտոճանապարհային միջանցքի շինարարություն (4-րդ տրանշ)» նախագծի ֆինանսավորման համար Եվրասիական տնտեսական ընկերակցության հակաճգնաժամային հիմնադրամի միջոցներից ներդրումային վարկի տրամադրման մասին» համաձայնագրի նախագիծը:

Ըստ նախագծի` Եվրասիական տնտեսական ընկերակցության հակաճգնաժամային հիմնադրամի միջոցներից ՀՀ-ին կտրամադրվի 150 000 000 ԱՄՆ դոլար վարկ` «Հյուսիս-հարավ» ծրագրի շրջանակներում  Ագարակից դեպի Քաջարան 20,5քմ երկարությամբ ճանապարհահատվածի վերակառուցելու նպատակով:

Քննարկվեցին նաև Եվրասիական զարգացման բանկի կողմից ֆինանսավորման հնարավորությունները այլ ծրագրերում ևս:

Հանդիպման ավարտին կողմերը պայմանավորվածություն ձեռք բերվեց համաձայնագիրը հաստատելուց հետո սկսել նշված ճանապարհահատվածի վերակառուցման աշխատանքները:

ՀՀ տրանսպորտի և կապի նախարարության լրատվական ծառայություն