Գոհ եմ Եվրոպայի լիգայի 1/8 եզրափակչի վիճակահանության արդյունքից: Այս մասին նշել է Մոսկվայի «Դինամո»-ի և Հայաստանի հավաքականի դարպասապահ Ռոման Բերեզովսկին։
«Հետաքրքիր է փորձել ուժերը «Նապոլի»-ի նման լուրջ եվրոպական թիմի հետ։ Հայաստանի հավաքականի հետ խաղացել եմ Նեապոլում։ Ֆուտբոլային քաղաք է, ստադիոնում լարվածությամբ լուրջ մթնոլորտ է։ Քառորդ եզրափակիչ դուրս գալու շանսերը հավասար են։ «Դինամո»-ն լավ հնարավորություն ունի։ Լավ է, որ առաջին խաղն անցկացնելու ենք դրսում։ Կարևոր է դրական արդյունքի հասնել հյուրընկալվելիս»,- նշել է Բերեզովսկին:
Մարտի 12-ին ռուսական ակումբն Իտալիայում առաջին հանդիպումը կանցկացնի «Նապոլի»-ի հետ։
.gif)
