Եթե տաքսիստը 5 հազար դրամ ա աշխատում, էդ օրը «պռազդնիկ ա». տաքսու վարորդները բողոքում են (տեսանյութ)

Ինչպես արդեն տեղեկացրել էինք, այսօր տաքսիստներն իրենց մեքենաներով Կառավարության դիմաց բողոքի ակցիա էին կազմակերպել` պահանջելով թեթևացնել հարկային բեռը, հանել ավտոկայանատեղիներում տեղադրված տեսախցիկները և մի շարք այլ պահանջներ:

Տրանսպորտի և կապի փոխնախարար Արթուր Առաքելյանը հավաքվածների հետ երկար զրուցելուց և պահանջները հասկանալուց հետո առաջարկեց իրենց խմբով առաջիկայում հանդիպել և քննարկել հստակ պահանջներն ու հարցերը: Նաև նշենք` մինչ փոխնախարարը զրուցում էր հավաքվածների հետ, ոստիկանության աշխատակիցները կայանած մեքենաները դուրս էին հանում Հանրապետության հրապարակի երթևեկելի հատվածից: Այնինչ, Երևանի փոխոստիկանապետ Վալերի Օսիպյանի հետ պայմանավորվածություն էր ձեռք բերվել ազատել միայն երթևեկելի մեկ շարքը:

«Ստեղ խոսացնում են, էնտեղ տանում: Էս ի՞նչ երկիր է»,- դժգոհում էին տաքսու վարորդները: Իսկ Օսիպյանն էլ ասաց` հավաքվածներն են խախտել պայմանը և ազատ տեղերում նորից մեքենա կանգնեցրել:

Մանրամասները` Armlur.am-ի տեսանյութում