Մխիթարյանի գնահատականը` «Շալկե»-ի դեմ խաղում

Հեղինակավոր գերմանական պարբերականները գնահատել են Դորտմունդի «Բորուսիա»-ի և Հայաստանի հավաքականի կիսապաշտպան Հենրիխ Մխիթարյանի խաղը`  «Շալկեի» դեմ Գերմանիայի առաջնության 23-րդ տուրի խաղում։

Kicker-ը Մխիթարյանի խաղը գնահատել է 2-ով։ Նույն գնահատականն են ստացել նաև մի քանի այլ ֆուտբոլիստներ, օրինակ` Օլիվեր Կիրխը, Մատս Հումելսը, Նուրի Շահինն ու Իլկայ Գյունդոգանը։ «Բորուսիա»-ի կազմում լավագույնն է ճանաչվել Մարկո Ռոյսը՝ 1.5։

Bild-ը ևս Մխիթարյանի խաղին տվել է 2 գնահատականը։  Նշենք,  որ «Բորուսիա»-ն հաղթել էր 3։0 հաշվով։ Հենրիխ Մխիթարյանը դարձել էր գոլի և գոլային փոխանցման հեղինակ։