Մոսկվայի Տվերսկայա փողոցում գտնվող հագուստի խանութներից մեկի վաճառողը սպանվել է օրը ցերեկով` զարմացած անցորդների աչքի առջև: 22-ամյա Մաքսիմ Միրզոյանցի վրա հարձակվել է նրա` հոգեկան հիվանդությամբ տառապող ընկերը:
Ինչպես հայտնի է դարձել «Մոսկովսկի կոմսոմոլեց»-ին, սպանված Միրզոյանցը բազմիցս բողոքել է, որ նրան սպառնում է սպանել իր վաղեմի ծանոթը` իր հասակակից հոգեկան հիվանդ մեկը: Վերջինս 2-3 ամիս առաջ խանութի աշխատակիցների աչքի առջև դանակով սպառնացել է 22-ամյա Մաքսիմին:
Այդ միջադեպից հետո հոգեկան հիվանդին հոգեբուժարան են տեղափոխել, և նա այնտեղից վերջերս էր դուրս եկել:
Երկուշաբթի` տեղական ժամանակով ժամը 12:00-ի սահմաններում, Մաքսիմի ծանոթը մտել էր խանութ և սկսել սպառնալ նրան: Վերջինս դուրս էր եկել փողոց, որտեղ երիտասարդների միջև ծեծկռտուք էր սկսվել: Մաքսիմը վիրավորվել էր պարանոցից: Փորձելով փրկվել՝ նա ներս է վազել խանութի հարևանությամբ գտնվող գեղեցկության սրահ, սակայն ներս մտնելուն պես` մահացած վայր է ընկել:
.gif)
