Վրաստանի ընդդիմադիր «Միացյալ ազգային շարժում» խմբակցության պատգամավորները մտադիր են երկուշաբթի օրը դիմել երկրի նախագահ Գեորգի Մարգվելաշվիլիին՝ պահանջելով խորհրդարանի արտահերթ նիստ գումարել՝ երկրում ստեղծված ծանր տնտեսական իրավիճակի կապակցությամբ:
Վրաստանի ազգային արտարժույթը սկսել է ակտիվ կերպով արժեզրկվել նոյեմբեր ամսին. այդ ընթացքում դոլարը լարիի նկատմամբ թանկացել է մոտ 20%-ով: Ընդդիմությունն ու փորձագետները դրանում մեղադրում են երկրի իշխանություններին:
Վրաստանի նախարարների կաբինետը հայտարարում է, որ վերահսկում է իրավիճակն ու պատրաստ է կրճատել ադմինիստրատիվ ծախսերը:
.gif)
