“Ժողովուրդ”-ը տեղեկացավ, որ ԱԺ պատգամավոր Նահապետ Գեւորգյանի՝ Նովոյի որդու դեմ հարուցված քրեական գործի քննությունը դեռեւս շարունակվում է: Արտակ Գեւորգյանն առայժմ կալանավորված է: Հիշեցնենք, որ պատգամավորի որդին հուլիսի 18-ին ոչ սթափ վիճակում զենքի պարտադրանքով Արմավիրի մարզի Սարդարապատ գյուղի գազալցակայանի մոտից առեւանգել էր 25-ամյա մի երիտասարդի պատկանող “ԳԱԶ 24”-ը եւ փախել:
Նույն օրը ոստիկանության ձեռնարկած միջոցառումների արդյունքում Արտակ Գեւորգյանը ձերբակալվել էր, իսկ երեկոյան խուզարկությամբ նրա բնակարանից հայտնաբերվել եւ առգրավվել էր ատրճանակ: Պատգամավորի որդուն մեղադրանք է առաջադրվել ՀՀ քր. օր.-ի 183 հոդվածի 1-ին մասի (ավտոմեքենայի կամ տրանսպորտային այլ միջոցի ապօրինաբար տիրանալը, փախցնելը), ինչպես նաեւ 235 հոդվածի (ապօրինի կերպով զենք-զինամթերք պահելը, կրելը, օգտագործելը) հատկանիշներով:
.gif)
