Ջեյմս Ուորլիքը ողջունել է Բաքվի «Եվրոպական խաղերին» հայերի մասնակցությունը

ԵԱՀԿ Մինսկի խմբի ԱՄՆ համանախագահ Ջեյմս Ուորլիքը լավ լուր է անվանել Բաքվում «Եվրոպական խաղերին» հայ մարզիկների մասնակցությունը:

Այս մասին Ուորլիքն այսօր գրել է իր թվիթերյան էջում: Նա հույս է հայտնել, որ ադրբեջանական կողմը կողջունի այդ որոշումը:

Ավելի վաղ Ադրբեջանի երիտասարդության ու սպորտի նախարար Ազադ Ռահիմովը հայտարարել է, որ Ադրբեջանը պատրաստ է ապահովել Հայաստանից պատվիրակության անվտանգությունը, եթե հայկական կողմը որոշում ընդունի մասնակցել կայանալիք եվրոպական խաղերին: