Օգո 30,2012 00:00
ՀԵՏԵՎԵՔ ՄԵԶ Telegram-ՈՒՄ

Լավատեղյակ աղբյուրները փոխանցում են, որ Սյունիքի մարզի դատախազ Արայիկ Թարվերդյանի ազատման պատճառը Սյունիքի մարզպետ Սուրեն Խաչատրյանն է: Բանն այն է, որ մարզպետի եւ դատախազի փոխհարաբերություններն արդեն երկու տարի է՝ լարված են: Դեռեւս 2010թ. Կապանում սպանություն եղավ, որը վերագրվում էր Խաչատրյանի թիկնապահ Զարզանդ Նիկողոսյանին, սակայն նրա փոխարեն «նստեց» մյուս թիկնապահ Սահակ Սահակյանը: Ըստ լուրերի՝ դատախազ Թարվերդյանը ցանկացել է մինչեւ վերջ բացահայտել կատարվածը, ինչը նրան թույլ չեն տվել: Փորձեցինք լուրը ճշտել դատախազությունից, սակայն 2 օր շարունակ մեր հեռախոսազանգերն անպատասխան մնացին: Իսկ Սուրեն Խաչատրյանն արդարացավ, թե կապ չունի դատախազի ազատման հետ. «Հիմա ով ինչ ուզում գրում է, հո ամեն գրածի համար ես պատասխան չե՞մ տալու: Զարզանդը դրա հետ ոչ մի կապ չունի: Ամեն օր տարբեր տեղերում դատախազ են հանում ու նշանակում, մարզպետն ի՞նչ կապ ունի»:




Լրահոս

ԿԱՐԴԱՑԵՔ ՆԱԵՎ

Նման նյութեր