ԵՊՀ-ն լավագույնն է Հարավային Կովկասում

Այս տարվա հուլիսին webometrics.info կայքէջի հրապարակած վարկանիշային աղյուսակում Երեւանի պետական համալսարանը Հարավային Կովկասի բուհերի շարքում առաջատարն է: ԿԳՆ մամուլի ծառայությունից հայտնում են, որ աշխարհի շուրջ 20 հազար 700 համալսարանների վարկանիշային ցանկում ԵՊՀ-ն մտել է լավագույն 10 տոկոսի մեջ` գրավելով 2050-րդ տեղը: Հայաստանում գործող բուհերից տվյալ ցանկում երկրորդն Ամերիկյան համալսարանն է ` գրավելով 2827-րդ տեղը: Արեւելյան եւ Կենտրոնական Եվրոպայի համալսարանների վարկանիշային առանձին ցանկում ԵՊՀ-ն զբաղեցնում է 175-րդ տեղը: Վրաստանի առաջատար բուհը Ճավճավաձեի անվան լեզուների եւ մշակույթի պետական համալսարանն է, որը գրավել է 2537-րդ տեղը: Վարկանիշային ցուցակում Ադրբեջանի լավագույն համալսարանը “Կովկասն” է, որը զբաղեցնում է 5814-րդ տեղը: