Ամերիկացի տիեզերագնաց Նիլ Արմսթրոնգին կթաղեն ծովում

Ամերիկացի տիեզերագնաց Նիլ Արմսթրոնգը, որը Լուսնի վրա ոտք դրած առաջին մարդն է, վերջին հանգրվանը կգտնի ծովում,-գրում  ITAR-TASS-ը: Արմսթրոնգը 82 տարեկան հասակում մահացել էր օգոստոսի 25-ին` սրտի վիրահատությունից հետո առաջ եկած բարդությունների հետևանքով: Տիեզերագնացի հուղարկավորությունը կկատարվի ամերիկյան ռազմածովայի ուժերի ավանդույթների համաձայն, որտեղ 1949-1952 թթ. նա ծառայել է որպես փորձարկող օդաչու: Արմսթրոնգը ծնվել է 1930 թվականին օգոստոսի 5-ին Օհայո նահանգի Ուապակոնետա փոքր քաղաքում: Տիեզերագնացների շարքում հայտնվել է 1962 թվականին: Նա առաջին անգամ տիեզերք է թռել 1966 -ին “Ջեմինի 8” տիեզերանավով: