Ադրբեջանի ու Հայաստանի զորքերի շփման գծում լարվածությունը խաթարում է Լեռնային Ղարաբաղի հակամարտության կարգավորումը: Այս մասին գրել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը Թվիթերի իր միկրոբլոգում:
«Լեռնային Ղարաբաղում բռնության վերսկսումը ողբերգություն է հանդիսանում ու խաթարում է զինադադարի ռեժիմը: Մինչ կողմերը մեղադրում են միմյանց, խաթարվում է հակամարտության խաղաղ կարգավորմանն ուղղված ջանքերը»,- գրել է Ուորլիքը:
Հիշեցնենք, որ երեկ ադրբեջանական կողմի դիվերսիոն գործողությունները ետ մղելու ընթացքում զոհվել է 3 հայ զինվոր, 4-ը վիրավորվել է:
.gif)
