ՀԱՕԿ նախագահ Գագիկ Ծառուկյանը շնորհավորական ուղերձ է հղել Ստամբուլում կայացած շախմատային օլիմպիադայում հաղթած հայ շախմատիստներին։ Ուղերձում ասված է.
Սիրելի հայրենակիցներ.
Հայաստանի ազգային օլիմպիական կոմիտեի և անձամբ իմ անունից սրտանց շնորհավորում եմ Հայաստանի շախմատի տղամարդկանց հավաքականի անդամներին` Ստամբուլում Շախմատի 40-րդ համաշխարհային օլիմպիադայում փայլուն հաղթանակի կապակցությամբ:
Այս մարզաձևում շարունակական հաղթանակներն արդեն բարի ավանդույթ են դարձել և յուրաքանչյուր անգամ հաղթանակի բերկրանք են պարգևում շախմատի սիրահարներին ու ամբողջ հայ ժողովրդին:
Ստամբուլում ի շնորհիվ ձեզ բարձրացվեց Հայաստանի Հանրապետության պետական դրոշն ու հնչեց ազգային օրհներգը: Սա մեզ համար հավելյալ հպարտության առիթ էր:
Սա ավելին էր, քան մարզական հաղթանակը:
Դուք արժանի եք ամենաջերմ խոսքերին:
Հայաստանի ազգային օլիմպիական կոմիտեի նախագահ
Գագիկ Ծառուկյան
.gif)
