Հայաստանի այն բնակիչներին, ովքեր չեն կարողանում մեկնել Ռուսաստան՝ աշխատելու, աշխատանքի և սոցիալական հարցերի նախարարությունը կփորձի զբաղվածությամբ ապահովել Հայաստանում: Այսօր լրագրողների հետ հանդիպմանը նման հայտարարություն արեց աշխատանքի և սոցիալական հարցերի նախարար Արտեմ Ասատրյանը:
«Կփորձենք նրանց ներգրավել սեզոնային զբաղվածության ծրագրերում: Դրանք կարող են լինել նաեւ հասարակական աշխատանքներ, մի շարք նպատակային ծրագրեր»,-հայտարարեց նա:
Նշենք, որ Հայաստանի մեծ թվով քաղաքացիներ գտնվում են ռիսկային գոտում, և նրանց մուտքը Ռուսաստան արգելվում է կանոնները խախտելու պատճառով:
.gif)
