Ռամիլ Սաֆարովի արտահանձման վերաբերյալ Եվրախորհրդարանի ընդունած բանաձեւը սառույցի կամ բետոնե պատնեշի առաջին ճեղքվածքն է, ինչը հնարավորություն կտա մեզ, որ մեր հետեւողական աշխատանքի ընթացքում համարժեք գնահատական տրվի: Այս մասին այսօր՝ սեպտեմբերի 14-ին հրավիրված ասուլիսում ասաց ԱԺ ՕԵԿ-ական պատգամավոր Հովհաննես Մարգարյանը` մեկնաբանելով Եվրախորհրդարանի բանաձեւը:
“Սա համարժեք գնահատական չէ, այլ սկսված գործի սկիզբն է: Սրանով եւս մեկ անգամ ադրչբեջանցիները ապացուցեցին, որ ԼՂ ժողովուրդը չեն կարող անվտանգ ապրել նրանց կազմում: Երաշխիքը ԼՂ-ի անկախության ճանաչումն է”,- ավելացրեց Հովհաննես Մարգարյանը: Նրա խոսքով, տականքը չի կարող հերոս դառնալ: “Խոզի վրա ինչքան ուզում ես աստղեր դիր, ուսադիր դիր, թեւեր դիրմ միեւնույն է, նա ճախրել չի կարող”,- լրացրեց Հովհաննես Մարգարյանը:
.gif)
