Հովհաննես Գաբուզյանը՝ գրոսմայստեր

Ինչպես հաղորդում է armchess.am կայքը, Ստամբուլում անցկացված ՖԻԴԵ-ի կոնգրեսը երևանցի 17-ամյա շախմատիստ Հովհաննես Գաբուզյանին շնորհեց գրոսմայստերի տիտղոս: 2012թ. հունիսին Հովհաննես Գաբուզյանն Ալբենայում կայացած մրցաշարում լրացրել էր գրոսմայստերի նորմա:Նման հաջողության Գաբուզյանը հասել էր երկրորդ անգամ: Այս տարի Հովհաննեսը գրոսմայստերի նորման հաղթահարել էր նաեւ Պլովդիվում անցկացված Եվրոպայի անհատական առաջնությունում։