Իրանի միջուկային ծրագրի շուրջ բանակցությունները շարունակվում են

Իրանի միջուկային ծրագրի շուրջ բանակցությունները Լոզանում չեն ավարտվել ավելի վաղ հայտարարված ժամկետներում և կշարունակվեն նաև այսօր:

Համաձայն ԱՄՆ-ի պետդեպարտամենտի՝ հանդիպման ժամանակ «բավարար առաջընթաց» է ձեռք բերվել, սակայն Պետդեպարտամենտի ներկայացուցիչ Մերի Հարֆը զգուշացրել է, որ «մի քանի բարդ հարցեր» դեռևս չլուծված են մնում:

Իր հերթին` ՌԴ արտգործնախարար Սերգեյ Լավրովը հայտարարել է, որ Լոզանում ձեռք են բերվել բոլոր գլխավոր հարցերի շուրջ պայմանավորվածությունները: