«Ժողովուրդ» օրաթերթը գրում է. ««Ժողովուրդ»-ը տեղեկացավ, որ ՀՀ Սյունիքի մարզի Խդրանց համայնքում, որտեղ այժմ մոտ երկու տասնյակ մարդ է ապրում, այն էլ ծայրահեղ ծանր սոցիալական պայմաններում, պետական կառույցների անփույթ եւ թերի գործելու արդյունքում 5 խոշոր եղջերավոր անասուն է սատկել: Խդրանցում գյուղացիները կարծում են, որ իրենց անասուններն անկել են պաստերելյոզ հիվանդությունից: Տեղեկացնենք, որ ՀՀ Կառավարությունն ամեն տարի հսկայական գումարներ է ծախսում պատվաստանյութերի վրա, որպեսզի հանրապետության բոլոր անասուններն անվճար պատվաստվեն:
Բայց այս դեպքը բացահայտում է այն անտերությունը, որը տիրում է այս ոլորտում: Իսկ այն, որ գինետուն գնացած գյուղատնտեսության նախարար Սերգո Կարապետյանի ասածները մեկը մյուսին հակասում են, ընդամենը ինքնապաշտպանական բնազդի դրսեւորում կարելի է համարել: Ավելի լավ կլինի, եթե Սերգո Կարապետյանն ամբողջությամբ գիտակցի իր պատասխանատվությունն ու ելքեր գտնի՝ հացի աղբյուրը կորցրած գյուղացիներին օգնելու համար»:
Ավելի մանրամասն` թերթի այսօրվա համարում:
.gif)
