ԱՄՆ-ում Զատկի պատարագի ժամանակ փլուզվել է եկեղեցու տանիքը

Զատիկի արարողության ժամանակ ԱՄՆ-ի Նյու Ջերսի նահանգում Ռաուեն քաղաքի եկեղեցիներից մեկում փլուզվել է տանիքը: Տուժել է 14 մարդ. հայտնում է CBS News-ը:

Միջադեպը գրանցվել է մեթոդիստական եկեղեցում: Ինչպես հայտնել են եկեղեցու այցելուները, պատարագի ժամանակ նրանց վրա են սկսել ընկնել տանիքի բեկորները. փոխանցում է Associated press-ը:

Մեկ մարդ լուրջ վիրավորվել է, մնացածները թեթև մարմնական վնասվածքներ են ստացել: Տուժածների կյանքին վտանգ չի սպառնում:

Միջադեպի պատճառները պարզվում են, դեպքի վայրում աշխատում են ոստիկաններ ու հրշեջներ: Ինչպես նշում է CBS News-ը, եկեղեցին ավելի քան 150 տարեկան է և գտնվում է անմխիթար վիճակում: