Քիմ Քարդաշյանի աշխատակազմին Հայաստանում դիմավորեցին աղուհացով. ե՞րբ կժամանի հայազգի աստղը (տեսանյութ)

Վերջին օրերին հայազգի աստղ Քիմ Քարդաշյանի և նրա քույրերի սպասվելիք այցը Հայաստան թոփ լուրերի շարքին է դասվում: Մինչ Քարդաշյանի այցի հնարավոր օրեր են շրջանառվում, արդեն Հայաստան են ժամանել նրա օգնականն ու աշխատակազմը:

News.am STYLE-ն այսօր տեսանյութ էր  հրապարկել «Զվարթնոց» օդանավակայանից, որտեղ նրա անձնակազմին դիմավորել են աղուհացով և ուղեկցել «Mariott» հյուրանոց:

Armlur.am-ն արդեն հաղորդել էր, որ Քիմ Քարդաշյանը Հայաստան կայցելի սեփական փոխադրամիջոցով և այստեղ է մնալու մոտ մեկ շաբաթ: Նա իր այցը հաստատել է արտասահմանյան լրատվամիջոցների հետ զրույցում, սակայն նշել է, թե իր այցի նպատակը Հայոց Ցեղասպանության  100-րդ տարելիցը չէ:

Ինչևէ, հայազգի աստղը դեռևս Հայաստան չի ժամանել, սակայն նրա անձի շուրջ հետաքրքրությունը շարունակում է աճել, իսկ այսօր էլ նրա անձնակազմի դիմավորումն ապացուցեց, որ  նրան այստեղ անհամբեր են սպասում:

Տեսանյութը` News.am STYLE-ի: