Այսօր Վրաստանի մի շարք արևմտյան շրջաններում մոլեգնող փոթորիկն արմատախիլ է արել տասնյակ ծառեր, քշել հարյուրավոր շենքերի տանիքներ: Փոթորիկն առավել մեծ վնաս է հասցրել Քութայիսի ու Բաթում քաղաքներին ու դրանց հարակից շրջաններին:
Ինչպես լրագրողներին հայտնել են տեղի իշխանությունների ներկայացուցիչները, վիրավորվել են Բաթումի ու Քութայիսիի մի քանի բնակիչներ, ովքեր փոթորիկի ժամանակ եղել են դրսում կամ առևտրի կենտրոններում: Տուժածները հոսպիտալացվել են:
Վրաստանի տարբեր քաղաքներում վնասվել են 10-ից ավելի ավտոմեքենաներ, որոնք կայանված են եղել ծառերի տակ: ՏԱՍՍ-ի տեղեկությունների համաձայն՝ շուրջ 15 հազար ընտանիքներ մնացել են առանց էլեկտրամատակարարման:
.gif)
